Mehman Hüseynov DSK-nın qərarından MSK-ya şikayət edəcək

31 saylı Suraxanı ikinci seçki dairəsinin Dairə Seçki Komissiyası deputatlığa namizəd, bloger Mehman Hüseynovun 9 fevral parlament seçkilərində səsvermə zamanı saxtalaşdırma ilə bağlı şikayətini təmin etməyib.
Turan İnformasiya Agentliyinin verdiyi məlumata görə M.Hüseynov bildirib ki, 23 və 32 saylı seçki məntəqələrində saxtakarlıq barədə materialları DSK-ya təqdim etməsinə baxmayaraq, DSK pozuntunu görməyib.
“Üstəlik, 19 məntəqədən saxtakarlığı sübut edən videolar təqdim edilib”, – M.Hüseynov qeyd edib.
DSK hesab edir ki, “videomateriallar montaj edilib”. Bununla bağlı heç bir sübut və ya ekspert rəyi təqdim olunmayıb, M.Hüseynov bildirib. Bloger qeyd edib ki, fevralın 20-də DSK-nın qərarından MSK-ya şikayət edəcək.
MSK-nın məlumatına görə, həmin dairədə namizəd Etibar Əliyev liderlik edir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir