Türkiyə Azərbaycan vətəndaşlarını Uhandan çıxarır

Türkiyə hakimiyyəti öz ölkə vətəndaşlarının (34 nəfər), həmçinin Azərbaycan (7 nəfər), Gürcüstan (7 nəfər) və Albaniya (1 nəfər) vətəndaşlarının evakuasiya edilməsi üçün Çinin Uhan şəhərinə hərbi- nəqliyyat təyyarəsi göndərib. 
Anadolu agentliyinin məlumatına görə, Airbus A-400M təyyarəsində altı həkim də var.
Çindən gətirilən bütün vətəndaşlar təhlükəli virusun olub- olmadığını yoxlamaq üçün Türkiyə xəstəxanalarının xüsusi şöbələrində karantində saxlanılacaq. Karantin iki həftə davam edəcək.
Cümə axşamı ÇXR-də virusa yoluxanların sayı 7,7 min nəfəri keçib, ölənlərin sayı 170-ə çatıb. Yeni virus Çindən başqa daha 16 ölkədə aşkar edilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir