İsa Qəmbər iddialara cavab verdi

Son günlər hakimiyyət mediasında İsa Qəmbərin yenidən Müsavat Partiyasına başqan seçiləcəyi haqqında iddialar əsas mövzuya çevrilib. 
Avropa.info saytının yaydığı məlumata görə, İsa Qəmbər partiyanın başqanlığına qayıtmağa hazırlaşır. İddia olunub ki, rayon təşkilatlarına qurultayda İsa Qəmbərin partiya rəhbəri seçilməsi üçün gizli tapşırıqlar verilib. Həmçinin qeyd edilib ki, qurultayda İsa Qəmbər başqan seçiləcəyi təqdirdə, ötən qurultaydan sonra partiyadan uzaqlaşan Qubad İbadoğlu və onun rəhbərlik etdiyi Azərbaycan Demokratiya və Rifah (ADR) Hərəkatının üzvləri yenidən Müsavata qayıdacaq.
İsa Qəmbər Qaynarinfo-ya açıqlamasında məlumatı təkzib edib: “Hər yalan xəbərə görə vaxt itirməyin”.
“Avropa.info saytının yaydığı qısa məlumatda təxminən 10 yalan var. Ordakı cümlələrdən yalnız biri həqiqəti əks etdirir. O cümlə də üslub cəhətdən yanlışdır. Həmin cümləni təkrarlayıram: “Qeyd edək ki, partiya qurultaya hazılıqla bağlı hesabat-seçki konfransları keçirilir.” Qalan bütün cümlələr isə sadəcə yalandır”,  deyə İsa Qəmbər bildirib.