Boliviya prezidenti həbs edildi – Video (Yenilənib)

Boliviyanın Mərkəzi Seçki Komissiyasının sədri María Eugenia Choque və müavini Antonio Costas ölkədən qaçmaq istəyərkən həbs ediliblər.

***

Boliviya prezidenti Evo Morales istefa verib.

“Qafqazinfo” “TASS”a istinadən xəbər verir ki, bu barədə Morales radioda çıxışında deyib. Onun sözlərinə görə, bu qərara hərbçilərin onu istefaya çağırışından sonra gəlib. Bu səbəbdən insanları, o cümlədən dövlət qulluqçularını, qardaş və bacılarını qorumaq üçün vəzifəsindən gedir.

“Onlar hücumlara məruz qalıb təhlükə ilə üzləşməsinlər deyə istefa verirəm”, – deyə Morales bildirib.

Qeyd edək ki, Moralesin istefasından sonra hərbçi və polislər onun həbs olunması üçün axtarış elan ediblər. 

Xatırladaq ki, oktyabrın 20-də Boliviyada prezident seçkilərinə səsvermənin nəticələrinin saxtalaşdırılmasına etiraz olaraq müxalifət aksiyalar keçirilir. 3 həftə ərzində 400-dək insan xəsarət alıb. Morales müxalifətin onun istefasını tələb etməsinin konstitusiyaya zidd olduğunu bildirmiş, bunu dövlət çevrilişi adlandırmışdı.