Tbilisidə Avropaya inteqrasiya tərəfdarlarının mitinqi keçirildi
Bu gün Tbilisinin mərkəzinə “Evimiz Avropaya” şüarı altında izdihamlı mitinq keçirilib. Gürcüstanın Avropaya inteqrasiyası tərəfdarlarının aksiyasında partiya simvolikasından istifadə edilməyib.
Aksiyada Gürcüstanın, Avropa İttifaqının və Ukraynanın bayraqları qaldırılıb.
Aksiyaya Tbilisinin universitetlərinin tələbələri qoşulub.
Tələbələrin bəziləri özləri ilə etiraz yazıları olan plakatlar gətiriblər, məsələn, “Biz deoliqarxizasiyanı tələb edirik”, “Qərb İvanişviliyə və Gürcüstan hökumətinin üzvlərinə qarşı sanksiyalar tətbiq etməlidir”.
Aksiyanın təşkilatçısı Sirtsxvilia hərəkatıdır. Mitinq Gürcüstan, Ukrayna və Moldovaya Aİ üzvlüyünə namizəd ölkə statusu verilməsi ilə bağlı yekun qərarın elan edilməsindən üç gün əvvəl keçirilir. Onun əsas məqsədi Avropanın gələcəyinin Gürcüstan vətəndaşları üçün nə qədər vacib olduğunu nümayiş etdirməkdir.
Eyni zamanda, təşkilatçılar, Avropaya inteqrasiya prosesində kifayət qədər səy göstərməyən Gürcüstan hakimiyyətinin siyasətinə etirazlarını bildirirlər.
Basta
