Putindən Ermənistana provakasion mesaj
“Əgər Ermənistan Vaşinqtonun planına uyğun olaraq, Azərbaycanın Qarabağ üzərində suverenliyinin tanınmasını istəyirsə, buyursun”
“Biz sülh yolu ilə nizamlanmanın, o cümlədən sərhədin delimitasiyası və sərhəd məsələsinin tam həllinin tərəfdarıyıq”.
Modern.azxəbər verir ki, bunu Rusiya Prezidenti Vladimir Putin Azərbaycan və Ermənistan arasında sülh danışıqlarına münasibət bildirərkən deyib.
Rusiya lideri qeyd edib ki, hansısa variantı seçmək erməni xalqının və Ermənistan rəhbərliyinin işidir.
“İstənilən halda, hansı variant seçilsə, bu, sülhə gətirib çıxararsa, biz yalnız bunun tərəfdarı olacağıq. Amma biz heç nəyi məcbur etmək fikrində deyilik. Biz Ermənistana heç nə diktə edə bilmərik və etməyəcəyik”, – Putin deyib.
“Əgər Ermənistan xalqı və rəhbərliyi hesab edirsə ki, sülh müqaviləsinin hansısa varinatını seçmək lazımdır, başa düşdüyüm qədər bu Vaşinqton planıdır. Bu, Azərbaycanın Qarabağ üzərində suverenliyinin tanınmasını ehtiva edir. O zaman buyursunlar”, – Rusiya lideri Ermənistana səslənib.
