Müsavat Məclisinin sessiyası keçiriləcək

Fevralın 27-də Müsavat Partiyası Divanının növbəti iclası keçirilib.

İclasda görülən işlər barədə məlumat dinlənilib və təşkilayi məsələlər müzakirə olunub.

Ölkədə və dünyada gedən proseslər, o cümlədən Qarabağda son durum və Ukraynada  müharibə mövzusunda fikir mübadiləsi aparılıb.

Martın 11-də saat 11 Müsavat Partiyası Məclisinin sessiyasının keçirilməsi barədə qərar qəbul olunub.

Sonda cari məsələlər müzakirə olunub.