Niyaməddin Əhmədovun aclığa başladığı deyilir
Azərbaycan Xalq Cəbhəsi Partiyasının (AXCP) həbsdə olan fəallarından Niyaməddin Əhmədovun sentyabrın 24-dən, Zamin Salayevin isə 2 həftədən çoxdur aclıq aksiyası keçirdikləri bildirilir.
Bu barədə Azadlıq Rdiosuna AXCP-dən məlumat veriblər. Partiyadan vurğulandığına görə, Üstəlik Niyaməddin Əhmədov koronavirus xəstəliyinə yoluxub:
“ Niyaməddin Əhmədova həbs edildiyi dövrdən yaxınlarına zəng etməyə də icazə verilmir”
Niyaməddin Əhmədov COVİD-19 şübhəsilə həbsxanadan Penitensiar Xidmətin xəstəxanasına köçürülüb. Bu barədə Turan-a vəkil Zibeydə Sadıqova bildirib.
Vəkil həmçinin qeyd edib ki, iki gün öncə məhkəmə prosesində Əhmədov özünü pis hiss edirdi.
Xatırladaq ki, sentyabrın 22-də prokuror Əhmədovun 15 il müddətinə azadlıqdan məhrum edilməsini istəyib.
