Bu gün məni Əbdül sevdi

 

 

 

Hər bir rayon və kəndin miskin, yazıq, ağıldan yüngül, dildən kəm bir ,,dəlisi” olur.
Bizim rayonun da bir Əbdülü var. Əyni başı təmiz, başını yelləyə-yelləyə yeriyib, hamının qabağına qaçıb qəpik istəyən Əbdülü.

 

Bu gün qarşımı kəsdi.

 

– Mənə qəpik verərsən, qəpik istirəm, qəpik.

 

-Necə qəpik istirsən.

 

-20 qəpik ver, qəpik istirəm.

 

-Kağız pul verim sənə?

 

-Yox mən qəpik, istirəm, qəpik.

 

-Yaxşı bu gün sənə qəpik yox, 10 manat verəcəm.

 

Cüzdanımdan pulu çıxaranda əlimi geri itələdi.

 

-Bu çoxdu, mən qəpik istirəm, qəpik.

 

-Bax Əbdül bu 10 manat cibinə qoy evdə anana ver. Sənə 50 qəpik də verirəm.

 

-Niyə? Sən varlısan? Çoxdu pulun?

 

-Yox, bu gün qadınlar bayramıdır və mənə qardaşlarım hədiyyə əvəzi pul veriblər. Ordan 10 manatı sənə verirəm.

 

-Sən mənə yenə də qəpik verərsən?

 

-Verərəm.
Getdi, 3 addım atıb geri çevrildi, mırıq dişlərini görsədib bərkdən güldü.

 

-Mən səni çox istirəm. Sən mənə həmişə qəpik verirsən.

 

-Mən də səni cox istirəm ay Əbdül. Get evə.

 

Bu gün 8 martda Əbdüldən sevgi qazandım.

 

Kəramət demiş, Allah Elmar Nəsirovun, Siyavuşun, Putinin, Lavrovun ömründən kəsib sənin ömrünə calasın, ay Əbdül.

 

Yazı Leyla Qəbləyevanın feysbuk hesabından götürülüb.

 

Basta