Müsavat Elçibəyin məzarını ziyarət edib
Avqustun 22-də Müsavat Partiyasının rəhbərliyi və bir qrup üzvü Azərbaycanın milli-azadlıq hərəkatının lideri, mərhum prezident Əbülfəz Elçibəyin məzarını ziyarət edib. Bu haqda partiyadan məlumat verilib.
“Məzarı üzərinə gül dəstələri qoyduq. Ürək sözlərimizi dedik. Allah rəhmət eləsin” – deyə. Müsavat başqanı Arif Hacılı özünün feysbuk səhifəsində yazıb.
***
Avqustun 21-də Müsavat Partiyası Divanının növbəti iclası keçirilib.
Partiyanın mətbuat xidmətindən verilən məlumata görə, İcra Aparatının rəhbəri Gülağa Aslanlı əvvəlcə görülən işlər barədə məlumat verib.
Başqan müavini Razim Əmiraslanlı partiya üzvlərinin siyahılarının yenidən Ədliyyə Nazirliyinə təqdim olunduğunu bildirib.
Mövzu ətrafında fikir mübadiləsi aparılıb.
Daha sonra ölkədə və regionda baş verən hadisələr, o cümlədən Qarabağ regionunda yaranmış vəziyyət barədə müzakirələr aparılıb.
İclasda partiya üzvlərinin və rəhbərliyinin sabah( 22 avqust ) saat 12-də Əbülfəz Elçibəyin vəfatının ildönümü ilə bağlı Fəxri Xiyabanda məzarını ziyarət etməsi ilə bağlı qərar qəbul edilib.
Sonda cari məsələlər müzakirə olunub.
Basta2.com
