Müsavat Divanının gündəliyi

Dekabrın 9-da Müsavat Partiyası Divanının növbəti iclası keçirilib. Partiyanın mətbuat xidmətindən verilən məlumata görə, iclasda əvvəlcə görülən işlər müzakirə olunub.

Bildirilib ki, ötən həftə partiyanın qərargahında “Nərgiz” mükafatının təqdimetmə mərasimi keçirilib. Bu dəfə mükafata siyasi məhbus Akif Qurbanov layiq görülüb.

Başqanın müavini Nüşabə Sadıxlı Türkiyəyə səfəri və Krım Tatar Dərnəyinin təşəbbüsü ilə  Şəfiqə Qaspıralı adına qadınlar təşkilatının tədbirində iştirakı barədə məlumat verib.

Ağsu rayon təşkilatında keçirilən iclas və baş tutan seçkilər haqqında məlumat verilib.

Sumqayıt şəhər təşkilatı Həmrəylik Günü və Yeni il münasibətilə bayram tədbiri keçirib. Tədbirdə Divan üzvləri Rasim Əmiraslanlı və Mirbaba Babayev iştirak ediblər.

Dekabrın 30-da saat 14:00-da partiyanın mərkəzi qərargahında Həmrəylik Günü və Yeni il münasibətilə bayram tədbirinin keçirilməsinə qərar verilib.

Rayon təşkilatlarının fəaliyyətinin gücləndirilməsi ilə bağlı Divanın tövsiyyələri müzakirə olunub.

İclasda ölkədəki ictimai siyasi vəziyyət müzakirə edilib, Ukrayna və Gürcüstanda cərəyan edən proseslər ətrafında fikir mübadiləsi aparılıb.

Sonda cari məsələlər müzakirə olunub.