İranlı deputatlardan Azərbaycana qarşı təhdid və ərazi iddiası: “Naxcıvan və Qarabağı İrana birləşdirəcəyik”
İran parlamentinin deputatı Seyid Möhsün Dehnəvi bu gün “Twitter” hesabında etdiyi bir paylaşımında Azərbaycan Respublikasının rəhbərlərinə qarşı təhdid dolu bəyanat səsləndirib.
Günaz TV-nin məlumatına görə, o, paylaşdığı tvitində Azərbaycan rəsmilərini şirin quyruğu ilə oynamaqda günahlandırıb.
“Amerika və İsrail regionda İran və Rusiyanın ziyanına geopolitik dəyişikliklər etmək üçün İlham Əliyevi təhlükəli bir ssenariyə daxil ediblər.
Bu kiçik və qonşu ölkənin rəsmiləri şirin quyruğu ilə oynamaq əvəzinə yaxşısı budur ki, ağla gəlsinlər, yoxsa biz hərəkətə keçmək məcburiyyətində qalacağıq”, – deyə İran parlamentinin deputatı Seyid Möhsün Dehnəvi “Twitter” hesabında paylaşdığı yazısında bildirib.
İran parlamentinin Milli Təhlükəsizlik və Xarici Siyasət Komitəsinin üzvü Mahmud Əhmədi Biğəş də Azərbaycanı təhdid edib.
O, bununla bağlı oktyabrın 1-də özünün “Twitter” hesabında etdiyi paylaşım edib.
“Türkiyənin avantürasının və Azərbaycanın naşı davranışı davam etsə Naxcıvan və Qarabağı özlərinin əsil sahibinə-İrana geri qaytaracağıq”-deyə, iranlı deputat yazıb.
