Qazaxıstanda 164 nəfər həlak olub, 6 minə yaxın etirazçı saxlanılıb

6 minə yaxın şəxs saxlanılıb

Qazaxıstanda baş verən iğtişaşlarda iştiraka görə artıq 5,8 min nəfər saxlanılıb, “onların arasında xeyli sayda əcnəbi var”, Prezident Tokayevin mətbuat xidməti bildirib.

DİN-in məlumatına görə, saxlanılanların sayı 5969 nəfərdir.

Yaşayış məntəqələrinin “təmizlənməsi” davam edir, Prezident mətbuat xidmətinin məlumatında deyilərək iddia olunub ki, “ölkənin bütün regionlarında vəziyyət sabitləşib.”

Sputnik Qazaxıstan agentliyi xəbər verib ki, ötən gecə Almatıda 100-ə yaxın adam saxlanılıb.

“Şəhərin müxtəlif rayonlarında hələ atəş səsləri eşidilir, lakin onlar daha çox xəbərdarlıq atəşinə bənzəyir”, – Mir telekanalı bildirib.

İğtişaşlar zamanı 164 nəfər həlak olub

Bunu Səhiyyə Nazirliyinə istinadən Qazaxıstan hökuməti nəzdində fəaliyyət göstərən Operativ Qərargah bildirib, BBC Rusca bildirib.

Qərargahın məlumatına görə, Almatıda 103 nəfər, Qızılorda vilayətində 21 nəfər, Cambul vilayətində 10 nəfər, Almatı vilayətində səkkiz nəfər həlak olub.

Bundan əvvəl “Xabar 24” dövlət kanalı da bu müddət ərzində 2 mindən çox insanın tibbi yardım üçün müraciət etdiyini bildirib.

Tengrinews.kz nəşri Qazaxıstanın Uşaq Ombudsmanı Arujan Sainə istinadən bildirib ki, Almatıda açılmış atəş nəticəsində dörd yaşlı qız həlak olub.

Qazaxıstan Səhiyyə Nazirliyindən Orda.kz nəşrinə bildirib ki, etirazlar zamanı həlak olanlar barədə məlumatı onlar yaymayıblar.

“Təhlükəsizlik Şurasının sədri vəzifəsini Tokayevə Nazarbayev özü verib”

Keçmiş Prezident Nursultan Nazarbayevin mətbuat katibi Aydos Ukibay bildirib ki, “Təhlükəsizlik Şurasının sədri vəzifəsini Kasım-Jomart Tokayevə verilməsi barədə qərarı Nazarbayevin özü qəbul edib, çünki iğtişaşlara “cəld” və “sərt” cavab verilməli idi.”

İndiyə qədər bu məsələdə aydınlıq yox idi.

Yanvarın 5-də ölkədə etirazlar və Almatıda iğtişaşlar fonunda Tokayev Qazaxıstanın Təhlükəsizlik Şurasına rəhbərliyi öz əlinə aldığını bildirmişdi.

Bu vəzifə Nazarbayevə ömürlük olaraq verilmişdi.

Tokayev keçmiş prezidentin bu vəzifəni niyə tərk etdiyini izah etməyib.

Qazaxıstanın birinci Prezidenti kimi Nazarbayev əvvəlki tək xalqının lideri statusunu – Elbası statusunu saxlamaqdadır.

“Elbası bütün bu günlərdə Nur-Sultanda olub və dövlət başçısına dəstək verib”, – Nazarbayevin mətbuat katibi bildirib, ORDA.kz nəşri bildirib.