Putinin Ukraynaya qarşı müharibə avantürasına Rusiya ziyalılarından etiraz

Rusiya rəhbərliyindəki Müharibə Partiyasına qarşı olduqlarını bəyan edən Rusiyanın onlarla nüfuzlu ictimai-siyasi xadimi, elm, mədəniyyət və incəsənət adamı Ukrayna ətrafında yaranmış vəziyyətlə bağlı kəskin bəyanat veriblər.

Aralarında Rusiya Elmlər Akademiyasının üzvlərinin, professorların olduğu bəyanat müəllifləri Rusiya vətəndaşlarını Rusiyanın xarici siyasət xəttinə çevrilmiş kriminal avantürizmin girovu adlandırıblar: “Ölkəni inkişaf etdirmək, vətəndaşlarının həyat səviyyəsini yüksəltmək əvəzinə insanları aldadır, Qərblə “müqəddəs müharibə” ideyasını cəmiyyətə sırımağa çalışırlar”.

Bəyanat müəllifləri hesab edir ki, bu siyasətin bədələni sadə insanlar ödəyəcəklər.

Müharibənin Rusiyanın maraqlarına uyğun olmamaqla yanaş,  onun mövcudluğu üçün təhlükə hesab edən bəyanat müəllifləri siyasi rəhbərliyin bu çılğın hərəkətlərinin Rusiyada kütləvi müharibə əleyhinə hərəkatın formalaşmasına gətirib çıxaracağını qeyd edirlər.

Sonda isə qeyd edilir ki, müharibənin qarşısını almaq üçün bəyanat müəllifləri əllərindən gələni edəcəklər.

P.S. Belə görünür ki, müharibə avantürası Putinin əleyhinə işləməyə başlayıb.