Ərdoğan və Putin telefonla danışıblar

Rusiya prezidenti Vladimir Putin şənbə günü Türkiyə prezidenti Recep Tayyip Ərdoğanla telefon danışığı zamanı müxtəlif sahələrdə Rusiya-Türkiyə əməkdaşlığına dair mövzuları müzakirə edib.

“Hər iki tərəf ticarət və iqtisadi əlaqələrin müsbət dinamikasından, birgə strateji hərbi mühəndislik layihələrinin, o cümlədən qaz ehtiyatlarının uğurla həyata keçirilməsindən, eləcə də Türkiyədə Akkuyu Nüvə Elektrik Stansiyasının tikintisindən məmnunluq ifadə etdi”, – Kremldən bildirilib.

Ərdoğan Rusiyanın Türkiyədə baş verən zəlzələlərin nəticələrinin aradan qaldırılmasında göstərdiyi köməyə görə minnətdarlığını ifadə edib. Kreml bildirib ki, prezidentlər dağılmış infrastruktur və yaşayış binalarının bərpası üçün Rusiyadan tikinti materiallarının çatdırılması üzərində işləməyə davam etməyə razılaşıblar.

“Türkiyə lideri Rusiyanın Ukrayna taxılının Qara dəniz limanlarından ixracı və Rusiya ərzaq və gübrələrinin ixracının 60 gün müddətinə maneəsiz olaraq açılması ilə bağlı İstanbul sazişlərinin uzadılmasına dair razılığını müsbət qiymətləndirdi”.

Türkiyə-Suriya münasibətlərinin normallaşmasının davam etdirilməsinin vacibliyi də vurğulandı. “Ərdoğan Rusiyanın bu prosesdə oynadığı konstruktiv vasitəçi rolunu vurğuladı”, – Kremlin yaydığı məlumatda deyilir.

Heybət Əmrah 

Basta