Azərbaycanda 801 nəfər əfv edilib

Azərbaycan prezidenti İlham Əliyev əfv sərəncamı imzalayıb.

Sərəncama əsasən, 801 məhkum əfv olunmuş, onlardan 463 şəxs azadlıqdan məhrumetmə cəzasından, 220 şəxs azadlıqdan məhrumetmə cəzasının çəkilməmiş hissəsinin yarısından, 118 nəfər azadlıqdan məhrumetmə ilə bağlı olmayan digər cəzalardan (azadlığın məhdudlaşdırılması, islah işləri, cərimə cəzaları və cəzaya şərti məhkum edilmiş şəxslər) azad edilib.

Bildirilir ki, əfv edilən 801 nəfər arasında cəmi iki siyasi məhbus var: VİP sədri Əli Əliyev və jurnalist Elçin Məmmədli.