“Kommersant” qəzeti:  Rusiyada Azərbaycan pomidorunun yerini doldurmaq çətin olacaq

Bazar iştirakçılarının gözlədikləri kimi, Azərbaycandan pomidor idxalının qadağan olunması səbəbindən qiymətlər yeni il öncəsi arta bilər. Bu haqda Rusiyanın “Kommersant” qəzeti yazıb. Ekspertlərin yekdil fikrinə görə, indiki ehtiyacı digər ölkələrdən kompensasiya etmək çətin olacaq. Ticarət şəbəkələri Kənd Təsərrüfatı Nazirliyi vasitəsi ilə Türkiyədən pomidor tədarükü üçün kvotanı artırmağa çalışacaq. Ancaq buna topdansatış qiymətləri idxalçılardan daha yüksək olan rus istehsalçıları tərəfindən müqavimət göstəriləcəyi gözlənilir.

 

“Kommersant”a açıqlama verən bir mənbənin bildirdiyinə görə, pərakəndə şəbəkələri, pomidor tədarükü ilə əlaqədar çətinliklərdən və yeni il öncəsi  qiymət artımından qorxur. Bu narahatlıqlar, “Rosselxoznadzor”-un 8 və 9 dekabr tarixlərində Azərbaycan və eləcə də Türkiyə, Özbəkistan və Ermənistandan bir sıra bölgələrindən pomidor idxalına qoyulan qadağadan sonra ortaya çıxıb. Bölmə, bu ölkələrdən gətirilən pomidor partiyalarında tərəvəz yetişdirilməsi üçün təhlükəli viruslar aşkar edib. Milli Meyvə və Tərəvəz Birliyinin (NPS) məlumatına görə, bu respublikalardan 416 min ton və ya ümumi tərəvəz idxalının 57% -i idxal olunur.

 

Pərakəndəçilər Azərbaycandan idxalın qadağan olunmasından çox narahatdır. Azərbaycan Rusiya bazarına əsas pomidor tədarükçüsüdür: idxalın 38%-ni təşkil edir, deyə Kənd Təsərrüfatı Bazarı Araşdırmaları İnstitutunun (İKAR) Baş direktoru Dmitri Rılko bildirib.

 

Milli Reytinq Agentliyi (NRA) əlavə edir ki, Azərbaycan pomidor tədarükünə görə birinci, Rusiya bazarına tərəvəz tədarükünə görə (Çindən sonra) ikinci yeri tutur.

 

Dekabr ayının sonuna qədər Azərbaycandan gələn pomidor çatışmazlığını aradan qaldırmaq üçün digər böyük tədarükçülər – Türkiyə (payı 13%), Mərakeş, Çin və Belarusiya (hər biri 9%) – Rusiya Federasiyasına ixracatını iki dəfə artırmalıdırlar ki, bu da məhdud bir müddətdə mümkün deyil.

 

Qeyd edək ki, dekabrın 10-dan Azərbaycandan Rusiyaya pomidor və alma idxalı qadağan edilib.

Rusiyanin Baytarlıq və Fitosanitar Nəzarəti üzrə Federal Xidməti (“Rosselxoznadzor”) bunu Azərbaycan məhsullarında zərərvericilərin aşkar edilməsi ilə əlaqələndirib.

 

Azərbaycanda hesab edirlər ki, bu qərar siyasi motivlərlə verilib.

 

Heybət Əmrah

Basta