Neft bahalaşır: “100 dollara çatacağı ehtimalı böyükdür”

Amerika Neft İnstitutunun (API) açıqladığı məlumatların ABŞ-ın xam neft ehtiyatlarının keçən həftə gözlənilmədən azaldığını göstərməsindən sonra neft qiymətləri yüksəlib.

 

Marja xəbər verir ki, Brent markalı neftin fyuçersləri çərşənbə axşamı 1,6% bahalaşdıqdan sonra 32 sent və ya 0,4% bahalaşaraq bir bareli  85,10 dollara çatıb.

ABŞ-ın West Texas Intermediate (WTI) xam neftinin fyuçersləri 9 sent və ya 0,1% artaraq bir bareli 84,24 dollar olub. Bu növ neft çərşənbə axşamı günü 2,7% bahalaşıb.

 

Amerika Neft İnstitutunun məlumatları son bir neçə ay ərzində qlobal neft ehtiyatlarının azaldığı və tədarükün məhdud qaldığı fikrini gücləndirib. Bu səbəbdən neft qiymətləri Çərşənbə axşamı günü oktyabrın 26-dan bəri ən yüksək səviyyədə bağlanıb.

 

“Reuters”in sorğusunda ABŞ xam neft ehtiyatlarının 2,1 milyon barel artımı ilə bağlı analitiklərin təxminlərinə zidd olaraq, API məlumatları noyabrın 5-dək olan həftə ərzində 2,5 milyon barel azaldığını göstərib.

 

Neft İxrac Edən Ölkələr Təşkilatı və onların müttəfiqləri gündəlik hasilat artımını 400.000 bareldə saxlamaq barədə qərar qəbul ediblər. Bu səbəbdən də təklif məhdud olaraq qalır.

 

Artan hava nəqliyyatı da neft tələbini dəstəkləyir.

 

Qlobal bazarlar, çərşənbə günü ABŞ Enerji İnformasiya Administrasiyasının (EIA) xam neft ehtiyatlarının azalmasını təsdiq edib etmədiyini görmək üçün həftəlik məlumatlarını gözləyir.

 

Ticarət nəhəngi “Vitol Group”un İcraçı Russell Hardy neft tələbinin pandemiyadan əvvəlki səviyyələrə qayıtdığını və 2022-ci ilin birinci rübündə tələbin 2019-cu ilin səviyyəsini keçə biləcəyini söyləyib.

 

Hardi “Reuters”in Əmtəə Sammitində deyib: “Bir barel üçün 100 dollara qədər artım ehtimalı böyükdür”.

 

ABŞ prezidenti Co Baydenin son vaxtlar artan benzin qiymətləri ilə bağlı narahatlıq fonunda Strateji Neft Ehtiyatından neftin satılıb-satılmayacağına qərar verib-verməyəcəyini də gözləyir.

 

Marja