İşğalçılar 2389 ukraynalı uşağı Rusiyaya qaçırıblar – XİN

Rusiya işğalçı qoşunları Donetsk və Luqansk vilayətlərinin müvəqqəti işğal olunmuş ərazilərindən 2389 uşağı qanunsuz olaraq Rusiya Federasiyası ərazisinə aparıblar.

Bu haqda Ukrayna Xarici İşlər Nazirliyi məlumat yayıb.  Məlumata görə, hadisə martın 19-da baş verib.

Ukrayna XİN-i mülki əhalinin, xüsusən də uşaqların zorla təcavüzkar dövlətin ərazisinə köçürülməsini insan oğurluğu kimi qiymətləndirib. Bu cür hərəkətlər beynəlxalq hüququn, xüsusən də beynəlxalq humanitar hüququn kobud şəkildə pozulmasıdır.

Evləri dağıtmaqla, valideynləri öldürməklə Rusiya Federasiyası ukraynalı uşaqları valideyn himayəsindən məhrum edir, onların həyatını Rusiya ərazisində daha da təhlükə qarşısında qoyur.

Xarici İşlər Nazirliyi beynəlxalq ictimaiyyəti uşaqların qeyri-qanuni ixracına dərhal reaksiya verməyə, Ukrayna xalqına qarşı vəhşi müharibəni dayandırmağa məcbur etmək üçün Rusiyaya təzyiqləri artırmağa çağırıb.

Basta