Səxavət Soltanlı: “Türkiyədə keçirdiyimiz görüşlərdə ilkin razılıqlar əldə etdik”
Səxavət Soltanlı, Müsavat Partiyası başqanının müavini
Başqan Arif Hacılı ilə bərabər 2-4 İyunda İrlandiyanın paytaxtı Dublində ALDE konqresi çərçivəsində avropa və keçmiş sovet respublikalarından, xüsusi ilə Ukrainadan olan siyasilərlə, partiya sədrləri, avropalı siyasilər, avropalı deputatlar, komisarlar və hökümət rəhbərləri ilə görüşlərin ardıyca qardaş Türkiyədə işgüzar səfərdə olduq.
İlk olaraq təbii ki, Cemil Ünal bəy başda olmaqla Azerbaycan Kültür Dərnəyini və dəyərli yönəticilərini ziyarət edib birlikdə qurucu babamız Rəsulzadənin məzarını ziyarət etdik.
Daha sonra, Türkiyənin önəmli partiyaları ilə görüşlərimiz oldu.
Ehmet Davudoğlunun lideri olduğu Gələcək partinin, Meral Akşenerin lideri olduğu İYİ partinin, Müharrem İncenin lideri olduğu Memleket partisinin, Temel Karamollağlunun lideri olduğu Seadet partisinin, Gültekin Uysalın lideri olduğu Demokrat partisinin ofislərini ziyarət edib liderləri və əsas şəxsləri ilə görüşlər keçirdik, müzakirələr apardıq, əlaqələrimizin dərinləşməsi üçün ilkin razılıqlar əldə etdik.
Digər əsas partiyalarla görüşmələr sırf proqramımızın sıxlığından baş tutmadı. Məlumat üçün deyim ki, bəzi partiyalarla görüşmələr eyni saata düşdüyü üçün bəzi görüşləri ertələmək məcburiyyətində qaldıq. CHP lideri Kamal Kılıcdaroğlu və DEVA partisi lideri Ali Babacan şəxsən özləri bizə telefon açaraq görüşə bilmədikləri üçün üzgün olduqlarını bildirdilər. Meral Xanım Ankarada olmadığı üçün onunla şəxsən görüş olmadı. Hər biri qarşıdan gələn növbəti səfərdə görüşmək istədiklərini bildirdilər.
Basta
