Sentyabrın 18-də Müsavat Partiyası Divanının növbəti iclası keçirilib. Partiyanın mətbuat xidmətinin verdiyi məlumata görə, iclasda əvvəlcə görülən işlər barədə məlumat dinlənilib.

Qarabağda və Azərbaycan-Ermənistan sərhədində son vəziyyət müzakirə olunub. Ağdam-Xankəndi və Laçın-Xankəndi yollarının açılması, prosesin ümumi nəticəsi kimi Laçındakı sərhəd-keçid məntəqəsinin leqallaşması təqdir edilib. Ermənistanla sülh danışıqlarının davam etdirilməsi zəruri sayılıb.

Oktyabrın 18-də Azərbaycanın müstəqilliyinin bərpa olunmasının 32-ci ildönümü ilə bağlı tədbirlərin keçirilməsi qərara alınıb.

Regionda və dünyada gedən proseslərlə bağlı fikir mübadiləsi aparılıb.

Sonda cari məsələlər müzakirə olunub.