Tramp ABŞ-ın 47-ci prezidenti seçildi
Amerikanın Səsi sabiq ABŞ Prezidenti Donald Trampın bir neçə mühüm ştatda qələbələr çalaraq, hazırkı vitse-prezident Kamala Harrisi məğlub etdiyini proqnozlaşdırır. Amerikanın Səsinin Vaşinqton üzrə baş müxbiri Karolin Presutti Trampın Floridada əksər xəbər agentlikləri nəticəni elan etmədən öncə qələbəsini qeyd etdiyi tədbirdə iştirak edib.
ABŞ-ın növbəti prezidenti tanış biridir.
“Mən Amerika xalqına sizin 47-ci və 45-ci prezidentiniz seçilmək şərəfinə görə təşəkkür etmək istəyirəm,” Donald Tramp dedi.
Sabiq prezident Donald Tramp ölkənin şərq sahilində səsvermə bitəndən yeddi saatdan çox sonra tərəfdarları qarşısında çıxış etdi.
“Son dörd ildəki bölgüləri geridə qoymaq vaxtıdır, birləşmək vaxtıdır,” Donald Tramp bildirdi.
Tramp lazım olan 270 elektorun səsini qazanandan sonra, ABŞ Senatında da Respublikaçılar əksəriyyəti əldə etdi.
***
ABŞ-da keçirilən prezident seçkilərinin nəticələrinin hesablanmasını Türkiyənin Sozçü TV və NTV kanallarında canlı olaraq izləyə bilərsiniz.
