Müsavat rəhbərliyi beynəlxalq konfransda iştirak edib
İyunun 19-da Müsavat Partiyasının rəhbərliyi Gürcüstanın paytaxtı Tbilisidə keçirilən beynəlxalq konfransda iştirak edib.
Partiyadan verilən məlumatda bildirilir ki, Avropa Liberal Demokrat İttifaqının (ALDE) partnyor təşkilatları tərəfindən təşkil olunan tədbirdə Müsavat Partiyasının başqanı İsa Qəmbər, onun müavinləri Səxavət Soltanlı və Mustafa Hacıbəyli Azərbaycanı yüksək səviyyədə təmsil ediblər.
Səfər çərçivəsində Müsavat Partiyasının nümayəndələri Gürcüstanda dəfn olunmuş bir sıra görkəmli azərbaycanlıların – Fətəli xan Xoyski, Həsən bəy Ağayev, Mirzə Fətəli Axundov və Mirzə Şəfi Vazehin məzarlarını da ziyarət ediblər.
