ABŞ Rusiya bayrağı altında üzən neft tankerini ələ keçirdi
Reuters agentliyinə çərşənbə günü danışan iki amerikalı rəsminin bildirdiyinə görə, ABŞ Atlantik okeanı boyunca iki həftədən çox davam edən təqibdən sonra Venesuelaya aid olan, lakin Rusiya bayrağı altında üzən neft tankerini ələ keçirib. Bu müddət ərzində yaxınlıqda Rusiya sualtı qayığı və hərbi gəmisi də olub.
Bu hadisə Rusiya ilə ABŞ arasında münasibətlərdə gərginliyi artıra bilər.
ABŞ Sahil Mühafizəsi ötən ay ilk dəfə tankeri saxlamağa cəhd edib, lakin gəmi tabe olmayıb. Bundan sonra tanker Rusiya bayrağı altında üzməyə başlayıb.
Hazırda “Marinera” adlanan tanker, ABŞ prezidenti Donald Trampın Venesuelaya qarşı təzyiq kampaniyası başlayandan bəri ABŞ Sahil Mühafizəsinin hədəf aldığı sonuncu gəmi olub.
