Polis əməkdaşı öz həyat yoldaşını güllələdi

Görünməmiş qətl hadisəsi sentyabrın 30 -da səhər 9:00-da Bakıda baş verib. Post patrul xidmətinin əməkdaşı İsmayıl Məmmədov həyat yoldaşı Xanım Məmmədovanı xidməti silahı ilə qətlə yetirib.

Cinayətin səbəbi mərhumun polisə gələrək  ərindən şikayət etməsidir.

Daxili İşlər Nazirliyinin mətbuat xidmətindən Turan-a bildiriblər ki, ər-arvad arasında ailə münaqişəsi baş verib, bundan sonra Xanım Məmmədova Nizami rayon 24-cü polis bölməsinə gedərək həyat yoldaşından şikayət edib. İsmayıl Məmmədov bu xəbəri eşidən kimi bölməyə gedib və qadını güllələyib.

Məmmədov saxlanılıb, rayon prokurorluğu Cinayət Məcəlləsinin müvafiq maddəsilə cinayət işinə başlayıb.

Basta