İranın onlarla şəhərində etiraz aksiyaları başlandı-VİDEO
Bu gün səhər saatlarından başlayaraq Güney Azərbaycan və İranın onlarla şəhərində müəllimlərin Təhsil Nazirliyinin yerli bölmələri və Baş Təhsil İdarələri qarşısında etiraz aksiyaları başlayıb.
Bundan öncə keçirilən mitinq və tətil aksiyalarında müəllimlər əmək haqlarının qaldırılmasını, rütbələndirmə qanununun icrasını, siğorta xidmətlərindən istifadə şərtlərinin asanlaşdırılmasını və məhbus müəllimlərin azadlığa buraxılmalarını tələb ediblər.
Xatırladaq ki, son bir neçə ayda İranın yüzlərlə şəhərində müəllimlər və təqaüdçülərin müxtəlif etiraz aksiyaları keçirilib, onlarla nəfər həbs edilib.
Yanvar ayının 30-da İranın 300-dən çox şəhərində keçirilən oturaq aksiya zamanı müəllimlər və təqaüdçülər bird aha tələbləri yerinə yetirilməyincə, dinc etirazlarını bundan sonra da davam etdirəcəklərini bildiriblər.
