Haydı, Ukrayna!

Şahin Cəfərli

 

Bir neçə gün əvvəl yazmışdım ki, Qərb Rusiyaya iqtisadi savaş elan etdi.

 

Güclü sanksiya qərarları var, amma Rusiya Mərkəzi Bankına olan sanksiya daha önəmlidir. Bu, böyük bombadır.

 

Rusiya MB bundan sonra dollar, funt və avroda saxladığı vəsaitlərdən istifadə edə bilməyəcək.

 

2021-ci ilin ortalarına olan məlumata əsasən (mənbə – RBK) Rusiya MB-nin dollar ehtiyatları rezervlərin 16,4%-ni (96 milyard) təşkil edir. 189 milyard dollar ekvivalentində avro, 38 milyard dollar ekvivalentində isə funt vəsaiti var. Toplam 323 milyard dollar. Rusiya bu vəsaitə artıq sərəncam verə bilməyəcək. (Valyuta ehtiyatlarının ümumi həcmi 469 milyard dollardır. 132 milyard dollarlıq da qızıl ehtiyatı var.)

 

Rubl gələn həftənin birinci günü birjalar açılan kimi çökəcək. Moskva birjası da çökəcək. Putinin avantürist və ağlasığmaz əməlləri Qərbi monolitləşdirdi. Nəhəng, amorf Qərb mexanizmi hərəkətə gəldi. Yatmış fil oyandı. Əzib keçəcəklər.

 

Və əlbəttə ki, bu fonda Ukraynanın dözüb dirənməsi Putler rejiminin tabutuna çaxılacaq son mismar olacaq. Haydı, Ukrayna!

 

Yazı Şahin Cəfərlinin feysbuk səhifəsindən götürülüb.