Azərbaycanda 139 yeni yoluxma faktı aşkar edilib

Azərbaycanda COVİD-19-a yoluxma ilə bağlı  139 yeni hal aşkar edilib. Bu barədə cümə axşamı Nazirlər Kabineti yanında Operativ Qərargah məlumat verib.

Mənbəyə görə, 148 xəstə sağalıb. Həmin müddətdə koronavirus infeksiyasından ölüm halları olmayıb.

Azərbaycanda 34 759 yoluxma faktı qeydə alınıb.

32 511 nəfər müalicə olunub, 510 nəfər vəfat edib, 1 738 aktiv xəstə müalicəsini davam etdirir.