Bəxtiyar Hacıyev aclığı dayandırdı

Həbsdə olan ictimai fəal Bəxtiyar Hacıyev dekabrın 29-da aclığı dayandırıb. Bu barədə Turan-a vəkil Aqil Layıc bildirib.

Bəxtiyar Hacıyev həbsinə etiraz olaraq 14 gün idi aclıq edirdi.

“Bəxtiyar Hacıyev ailə üzvlərinin, ictimaiyyətin və vəkillərinin fikrini nəzərə alaraq, aclıq aksiyasını rəsmi və faktiki olaraq dayandırıb”.

Onun sözlərinə görə, hazırda Bəxtiyar Hacıyevin səhhəti normaldır, həkim nəzarətilə qidalanmağa başlayıb.

“Ona dəstək olan hər kəsə minnətdarlığını bildirib”, deyə vəkil qeyd edib.