Partiyaların yeni siyahısı

1993-cü ildən dövlət qeydiyyatında olan Milli Həmrəylik Partiyası (2020-ci ilədək Demokratik Azərbaycan Dünyası Partiyası adlanıb) fəaliyyətini dayandırıb. Elan “Yeni Müsavat” qəzetinin 10 iyun sayında dərc edilib.

Novator.az bildirir ki, 2023-cü ildə daha 23 siyasi partiya ləğv olunub: Aydınlar Partiyası, Azərbaycan Azad Respublikaçılar Partiyası, Azərbaycan Kommunist Partiyası, Azərbaycan Liberal Demokrat Partiyası, Azərbaycan Milli Demokrat Partiyası, Azərbaycan Naminə Alyans Partiyası, Azərbaycan Respublikaçılar Partiyası, Azərbaycan Sosial Demokrat Partiyası, Azərbaycan Sosial Rifah Partiyası, Azərbaycan Təkamül Partiyası, Azərbaycan Tərəqqi Partiyası, Azərbaycan Vahid Kommunist Partiyası, Azərbaycan Vətənpərvərlər Partiyası, Birlik Partiyası, Qorqud Partiyası, Milli Demokrat İdrak Partiyası, Milli Konqres Partiyası, Milli Vəhdət Partiyası, Müstəqil Azərbaycan Partiyası, Müstəqil Xalq Partiyası, Vahid Azərbaycan Milli Birlik Partiyası, Vətəndaş Birliyi Partiyası, Yeni Yol Partiyası.

1992-ci ildə qəbul edilmiş “Siyasi partiyalar haqqında” qanun qurumun dövlət qeydiyyatı üçün 1000 üzv tələbi qoyurdu. 2023-cü il yanvarın 11-də qüvvəyə minən yeni qanuna görə, qeydiyyat üçün partiyanın azı 5000 üzvü olmalıdır. Dövlət qeydiyyatında olan 59 partiyaya üzvlərinin sayını 5000 min nəfərə çatdırmaq, onların reyestrini hazırlayıb təqdim etmək üçün 180 gün vaxt verilib. Həmin müddət iyulun 10-da bitir. Yeni tələblə ayaqlaşmağa çətinlik çəkən partiyalar siyasi səhnədən çəkilmək zorunda qalır.

Dövlət qeydiyyatında bu partiyalar da var:

• Ağ Partiya,
• Ana Vətən Partiyası,
• Azad Demokratlar Partiyası,
• Azad Vətən Partiyası,
• Azadlıq Partiyası,
• Azərbaycan Demokrat Partiyası,
• Azərbaycan Demokratik Maarifçilik Partiyası,
• Azərbaycan Xalq Partiyası,
• Azərbaycan Xalq Cəbhəsi Partiyası,
• Azərbaycan Liberal Partiyası,
• Azərbaycan Milli Dövlətçilik Partiyası,
• Azərbaycan Milli İstiqlal Partiyası,
• Azərbaycan Mübarizləri Partiyası,
• Azərbaycan Ümid Partiyası,
• Azərbaycan Yüksəliş Partiyası,
• Böyük Azərbaycan Partiyası,
• Böyük Quruluş Partiyası,
• Bütöv Azərbaycan Xalq Cəbhəsi Partiyası,
• Cümhuriyyət Xalq Partiyası,
• Demokratik İslahatlar Partiyası,
• Ədalət Partiyası,
• Gələcək Azərbaycan Partiyası,
• Haqq-Ədalət Partiyası,
• Klassik Xalq Cəbhəsi Partiyası,
• Milli Cəbhə Partiyası,
• Milli Dirçəliş Hərəkatı Partiyası,
• Müasir Müsavat Partiyası,
• Müsavat Partiyası,
• Sosial Ədalət Partiyası,
• Respublikaçı Alternativ Partiyası,
• Vəhdət Partiyası,
• Vətəndaş Həmrəyliyi Partiyası,
• Vətəndaş və İnkişaf Partiyası,
• Yeni Azərbaycan Partiyası,
• Yeni Zaman Partiyası.

Novator.az