Bakıda “Formula-1” Azərbaycan Qran-prisi başlayır
Cümə günü Bakıda “Formula-1” Azərbaycan Qran-prisinə start verilir.
Təşkilatçıların məlumatına görə, bu il yarışlarda 10 komandanın tərkibində olmaqla 20 pilot iştirak edəcək.
Yarışlar “Formula-2” pilotlarının sərbəst yürüşülə başlayacaq. Sonra yarış “Formula-1” pilotlarının sərbəst yürüşü və “Formula-2” pilotlarının sıralama yarışı ilə davam edəcək.
Yarışların ikinci günündə “Formula-2” üzrə sprinter yarışları, üçüncü sərbəst yürüş və “Formula-1” üzrə sıralama yarışı planlaşdırılır.
Yarışın əsas hissəsi, Azərbaycan Qran Prisi iyunun 6-da keçiriləcək.
Yarışlara “Azadlıq” meydanında start veriləcək və başa çatacaq. Marşrut Qız Qalası, İçərişəhər və “Azneft” dairəsi üzrə təşkil edilib. Cəmi 51 dövrə vurulacaq. Halqanın uzunluğu 6 kilometr, ümumi məsafə isə 306, 049 kilometr təşkil edir.
Koronavirus pandemiyası ilə əlaqədar bu il yarışlar tamaşaçılar, həmçinin şou və digər əyləncə proqramları olmadan keçiriləcək.
