Müsavat fəalı saxlanıldı – Video
Müsavat Partiyası Gənclər Təşkilatı İdarə Heyətinin üzvü Əziz Məmiyev bu gün Daxili İşlər Nazirliyi qarşısında etiraz aksiyası keçirib. O, buna görə bir neçə saat polisdə saxlandıqdan sonra sərbəst buraxılıb.
***
Müsavat Partiyasının fəalı Əziz Məmiyev bu gün Daxili İşlər Nazirliyinin binası qarşısında etiraz aksiyası keçirməyə cəhd göstərdiyi zaman zorakılıqla saxlanılıb. Bu haqda “Basta”ya Müsavatın Məclis üzvü Ərzulla Bulud məlumat verib.
Bundan əvvəl Əziz Məmiyev ciddi təzyiqlərlə üzləşdiyi barədə məlumat yayıb.
DİN mətbuat xidmətinin şöbə rəisi, polis mayoru Elşad Hacıyev Əziz Məmiyevin saxlandığını təsdiqləyib.
Müsavat Partiyasının mətbuat xidməti Əziz Məmiyevə qarşı qanunsuz təzyiqlərə görə hüquq mühafizə orqanlarının məsuliyyət daşıdığını bildirib və onun dərhal azadlığa buraxılmasını tələb edib.
Basta
