Ərdəbilli milli fəallar zindana köçürülüb

Onlar ailələri ilə qısa telefon danışığı zamanı bu barədə məlumat veriblər.

Ərdəbildə yaşayan milli fəallar Səccad Qane Müqəddəm və Məhəmməd Colani təcridxanadan Ərdəbil zindanının ümumi bölməsinə köçürülüblər.

Bir neçə gün dindirilmələrinə baxmayaraq fəalların nədə ittiham olunduqları barədə onlara heç bir məlumat verilməyib.

Qeyd edək ki, Səccad Qane Müqəddəm, Məhəmməd Colani və Yasir Colani oktyabrın 2-də Ərdəbil-Səreyin yolunda məmurların hücumuna məruz qalıb və avtomobillərinə atəş açılaraq saxlanılmış və həbs edilmişdilər.

Gunaz TV