Rusiya ilə İranın əməkdaşlığı genişlənir
Rusiyanın xarici işlər naziri Sergey Lavrov və İranın xarici işlər naziri Hossein Amir-Abdollahian praktiki əməkdaşlığı daha da artırmaq üçün birgə səyləri davam etdirmək barədə razılığa gəliblər.
Ticarət, iqtisadi və investisiya əlaqələrinin gücləndirilməsinə, nüvə energetikası, yanacaq və nəqliyyat sektorlarında əsas layihələrin həyata keçirilməsinə xüsusi diqqət yetirilib. Lavrov Əmir-Abdollahianla danışıqlardan sonra keçirdiyi birgə brifinq zamanı deyib.
ABŞ və müttəfiqlərinin sanksiyalarına baxmayaraq, Rusiya-İran ticarəti ötən il rekord həddə – 4,86 milyard ABŞ dollarına çatıb. Bu, 2021 -ci illə müqayisədə 20 faizdən çoxdur.
Lavrov beynəlxalq və regional məsələlərdən danışarkən deyib ki, “hər iki tərəf Qərbin beynəlxalq hüquq və BMT-nin mərkəzləşmiş arxitekturasının ABŞ-ın “qayda-qanunlara əsaslanan nizam”la əvəzlənməsinə yönəlmiş dağıdıcı siyasətini rədd etdiyimizi bir daha təsdiq etdi”.
Lavrovun sözlərinə görə, Moskva və Tehran əmindirlər ki, İranın nüvə anlaşmasına alternativ yoxdur və dünya hələ də Birləşmiş Ştatların pakt üzrə öhdəliklərinə qayıtmasını gözləyir.
Brifinqdə Əmir-Abdollahian bildirib ki, hər iki tərəf “çox yaxşı” danışıqlar aparıb. O, əlavə edib ki, İran və Rusiya müxtəlif sferalarda ikitərəfli əlaqələrin inkişafında əhəmiyyətli irəliləyişlər əldə edib.
Rusiya Xarici İşlər Nazirliyinin sözçüsü Mariya Zaxarovanın sözlərinə görə, Sergey Lavrov və Tehranın baş diplomatı Hossein Əmir-Abdollahian İranın nüvə proqramını, eləcə də Suriya, Əfqanıstan və Qafqazdakı hadisələri müzakirə ediblər.
Danışıqlar Tehran və Riyad arasında son zamanlar baş verən yaxınlaşmanı da əhatə edib. Onlar 7 illik dondurulmadan sonra ikitərəfli münasibətləri bərpa etmək istəyirlər.
İran 2015-ci ildə Vyanada nüvə proqramını məhdudlaşdıracağına söz vermişdi. Bunun müqabilində BMT-nin bu ölkəyə tətbiq etdiyi sanksiyalar ləğv edilmişdi. Birləşmiş Ştatlar 2018-ci ildə o vaxtkı prezident Donald Trampın rəhbərliyi altında sazişdən çıxdıqdan sonra Tehran tədricən məhdudiyyətləri ləğv etdi. 2022-ci ilin may ayından etibarən Rusiya və digər ölkələrlə bağlı danışıqlar əhəmiyyətli irəliləyişə nail ola bilməyib.
Sanksiyalar qarşısında İran və Rusiya bu arada iqtisadi və hərbi əməkdaşlıqlarını genişləndirdilər. Qərb rəsmilərinin sözlərinə görə, İran Ukraynadakı müharibədə “kamikaze” adlanan dronların tədarükü ilə də öz tərəfdaşını dəstəkləyir.
Tehran bunu inkar edir. Hərçənd Rusiyanın TASS xəbər agentliyi Əmir-Abdollahiana istinadən yazır ki, İran 2022-ci ilin noyabrında Rusiyaya az sayda dron göndərib. İddia olunur ki, bu, Ukrayna müharibəsinin başlanmasına üç ay qalmış baş verib.
Heybət Əmrah
Basta
