Dövlət Departamentinin illik hesabatında deyilir ki, Azərbaycanda durum dəyişməyib

2024-cü ildə Azərbaycanda insan haqlarının durumunda əhəmiyyətli dəyişiklik baş verməyib. AzadlıqRadiosu xəbər verir ki,  bunu ABŞ Dövlət Departamenti dünyada insan haqlarının vəziyyətinə dair illik hesabatında bildirir.

Qurum insan haqları problemlərinə dair etibarlı məlumatlar sırasında bunların yer aldığını bildirir:

– əsassız və ya qanunsuz qətllər;

– işgəncə və ya qəddar, qeyri-insani, alçaldıcı rəftar, yaxud cəza;

– əsassız həbs və saxlanma;

– başqa ölkədə yaşayan fərdlərə qarşı transmilli təzyiqlər;

– ifadə azadlığı və media azadlığına ciddi məhdudiyyətlər, o cümlədən jurnalistlərə qarşı zorakılıq və ya zorakılıq təhdidləri, jurnalistlərin əsassız həbsi və ya təqibi, senzura və internet azadlığına ciddi məhdudiyyətlər;

– müstəqil əmək birliklərinin qadağan olunması və ya işçilərin birləşmə azadlığına ciddi və sistemli məhdudiyyətlər;

– uşaq əməyindən ən pis formada istifadə.

Hesabatda Müsavat Partiyası və Milli Şuranın üzvü Tofiq Yaqublunun qanunsuz həbsi haqda belə deyilir:

“2023-cü ilin dekabr ayında tanınmış müxalifət lideri və hökumət tənqidçisi Tofig Yaqublu dələduzluq, sənədlərin saxtalaşdırılması və rəsmi sənədlərin qanunsuz hazırlanması ittihamları ilə həbs edilib. Qeyri-hökumət təşkilatları onun həbsinin əsassız olduğunu və buna dair kifayət qədər sübutun təqdim olunmadığını bildiriblər. Həmin təşkilatların məlumatına görə, Yaqublu müvafiq məhkəmə qərarı olmadan saxlanılıb, rəsmi ittiham irəli sürülməmişdən əvvəl uzun müddət həbsdə qalıb və hüquqi müdafiəyə çıxışı məhdudlaşdırılıb. Ailəsi Yaqublunun ailəsi və hüquqşünasları ilə əlaqə saxlaya bilmədiyini, uzun müddət təcrid vəziyyətində saxlanıldığını qeyd edib”.