Tramp etirazlardan sonra geri addım atdı
ABŞ dövlət katibi Marko Rubio ortadakı “sülh planı”nın ABŞ-ın planı yox, Rusiyanın təklifləri olduğunu bildirib.
Rubio bunu senatorlarla telefon söhbətində ifadə edib.
“Rubio açıq şəkildə bildirdi ki, bu, bizim nümayəndəmizə (Uitkoffa) təqdim olunan təkliflərdir. O vurğuladı ki, bu, bizim tövsiyəmiz deyil, bizim sülh planımız deyil” – deyə telefon danışığında iştirak edən respublikaçı senator Mayk Rounds bildirib.
Onun sözlərinə görə, Ukraynaya silah və kəşfiyyat dəstəyinin dayandırılacağı barədə Kiyevə hər hansı xəbərdarlıq da olmayıb: “Rubio bu haqda heç nə bilmədiyini söylədi”.
Müstəqil senator (demokratlara yaxın) Anqus Kinq isə Rubiodan daha konkret sitat gətirib: “O dedi ki, sızdırılmış 28 maddə mahiyyət etibarilə Rusiyanın arzular siyahısıdır…”
Görünən odur ki, Tramp ABŞ Konqresindən, mediasından və cəmiyyətindən gələn sərt etirazlardan, eləcə də Avropanın müdaxiləsindən sonra geri addım atdı…
Yazı Şahin Cəfərlinin feysbuk səhifəsindən götürülüb
