Bu barədə Turana onların yaxınları məlumat verib.  Məlumata görə, Meydan TV əməkdaşları Aynur Elgünəş, Aytac Tapdıq, Natiq Cavadlı, Ramin Cəbrayılzadə (Deko), Xəyalə Ağayeva Bakı Şəhər Baş Polis İdarəsinə aparılıb.

Daxili İşlər Nazirliyinin Mətbuat Xidmətindən Turana bildirilib ki, vətəndaş Ramin Cəbrayılzadə ölkəyə qeyri-qanuni xarici valyuta gətirməsi ilə əlaqədar daxil olan məlumat əsasında polis tərəfindən saxlanılıb.

DİN-dən qeyd edilib ki, məlumat təsdiqini tapıb və əlavə araşdırmalar aparılır. Bir neçə şəxs araşdırma çərçivəsində saxlanılıb.
Əlavə məlumat veriləcək.