Meydan TV-nin 6 jurnalisti həbs olunub

Bazar günü jurnalistlər Aynur Elgünəş, Xəyalə Ağayeva, Aytac Tapdıq, Aysel Umudova, Natiq Cavadlı və Ramin Deko istintaq dövrü üçün 4 aylıq həbs olunublar, bu barədə onların yaxınları məlumat yayıb.

Cümə günü Bakıda jurnalistlərlə yanaşı, media mənsubları da olmaqla azı 10 nəfər şəxs saxlanılıb.

Media mənsubu Ülvi Tahirovun barəsində də 4 aylıq həbs qətimkan tədbiri seçilib.

Vəkillər saxlanılan şəxslərin hamısına qarşı qaçaqmalçılıq maddəsilə ittiham irəli sürüldüyünü bildirirlər.