Rusiyaya növbəti zərbə

Türkiyə bankları ABŞ-ın təzyiqi altında Rusiyanın ödəniş sistemi ilə əlaqələrini kəsib 

Qərbin Ukraynaya hərbi müdaxiləsi səbəbilə Moskvanı təcrid etmək səylərini gücləndirdiyi bir vaxt, Türkiyənin sonuncu bankları Rusiyanın “Mir” ödəniş sisteminə dəstəyini dayandırıb. Bununla da Rusiyaya növbəti maliyyə zərbəsi dəyib.

Türkiyənin üç dövlət bankının Rusiyanın “Mir” ödəniş sistemindən çıxmaq qərarından öncə bu ayın əvvəlində iki özəl türk bankı da “Mir”-lə əməliyyatlarını dayandırıb.

Moskva “Mir”dən Qərbin Ukraynanı işğalı ilə əlaqədar tətbiq etdiyi sanksiyaların bir hissəsi olaraq, Rusiyanın beynəlxalq kredit kartlarından uzaqlaşdırılmasından yan keçmək üçün istifadə edir.

Strateji Araşdırmalar İnstitutunun beynəlxalq sanksiyalar üzrə mütəxəssisi Mariya Şaginanın dediyinə görə, Vaşinqton Rusiyaya qarşı sanksiyaları sərtləşdirmək üçün səylərini artırır.

“Qərb üçün mövcud sanksiyaların tətbiqinin mümkün qədər qüsursuz olması vacibdir. Belə ki, həmin ölkələrə qarşı hər hansı dözümlülük sanksiyalardan yayınmağa imkan yaratdı. Burada Qərb Ankaraya qarşı siyasətini dəyişə və sanksiyalarla hədələyə bilər.”

Çərşənbə günü Kreml Vaşinqtonu Türkiyəyə banklarının “Mir” sistemindən çıxmaları üçün görünməmiş təzyiq göstərməkdə ittiham edib.

ABŞ Maliyyə Nazirliyi keçən həftə xəbərdarlıq edib ki, “Mir” ödəniş sistemi ilə işləyən Türkiyə bankları “Rusiyanın ABŞ sanksiyalarından yayınmaq səylərini dəstəkləmək riskini daşıyır”.

Amerikanın səsi